كلمات محضر بلدي(مع باملا فرحات)

الدركي للست:
إسمك شغلك رخصة سوقك لو تسمحيلي
واجب حرر محضر ضدك منك قليلي
مع إني نعسان وكان لازم سرب نام
شفتك قطعتي الإشارة حمرا يا جميلي..

الست للدركي:
إختك إمك واللي عملك والعيلة اللي هيّي
سترجي كتوب تأكد ظبطك رح يوصل لبيي
بيّي المدير فلان وخالي بالبرلمان
ما تفتح عليك بواب إنت والسرية..

الدركي:
ليكي اوعى تعللي صوتك وحترمي القدّامك
ولاّ بخللي القصة تكبر  ف نتبهي لكلامك
نحنا دولة قانون ومنطبق القانون
ما في على الدولة كبير  بالإذن من خالك..

الست:
نشالله مفكر حالك يعني بدولة اوروبية
وناوي الهيئة تخسر شغلك ع بواب الشتوية
حاجي تقللي قانون وتعملّي أفلاطون
خالي البيحطّ قوانين عالناس مش عليي..

الدركي:
الظاهر ما في اتفاق مع حدا زيك
بشوفك بكرا بالقضاء وسلّميلي ع بيك
الست:
فعلا إنك راس كبير ورح تدفع حقا
بدّي ردك للتعتير الخسة ما معك حقا
الدركي:
بفرجيكي..
الست:
بفرجيك..
الدركي:
رح دفعك بكرا حقا
الست:
الخسة ما معك حقا