كلمات شعار تيشيرتى She3ar Tesherty
حبه يكبر يوم والتانى كورته دايما كدا واحشانى
لما بيغيب عنى ثوانى بستنى فى نار
مهما يتعبلى فى أعصابى بفتخر بيه وسط صحابى
عشقى ليه أول أسبابى من غير ما أختار
أول حكايتى فى شعار تيشيرتى من يوم ولادتى قلبى اختاره
حاجتى وهدومى أغانيك فى يومى .. يا زماااالك
وفى كل حتة أى اتجاه
قلبى سابقه فى مكانه
تشجيعى ليه اسلوب حياة
لو قفوا ضده واقف وراه
عمرى كله علشانه
ورفعت رايته وأنا عهد خدته لو مش كسبان برده معاه
قصته لعيبته وجماهيره
والتاريخ مجد أساطيره
مين اللى يقدر على تغييره
دى سنين أمجاد
ياما فرح قلبى ليالى
لأ وفى المحنة كمان غالى
حالة كدا احساسها خيالى
ويعدى بلاد