كلمات عيني بترف

نجيب الريحاني: عيني بترف وراسي بتلف.. وعقلي فاضله دقيقة ويخف.
ليلي مراد: عينه بترف.. وراسه يتلف.. وعقله فاضله دقيقة ويخف.
نجيب: تسمحي لي كلمة واحدة؟
ليلي: قول يا نور العين.
نجيب: بدي أعرف نفسي أعرف أحنا رايحين فيين؟
ليلي: رايحين ع البلد الل تجمع شمل العشاق.. نفرح ونغني ونودع عهد الأشواق (مرتين).
نجيب: والله أنا حاسس.
ليلي: إيه؟
نجيب: لأ ما فيش.
ليلي: حاسس بإيه قول ما تخبيش؟
نجيب: حاسس بمصيبة جايه لي.
ليلي: يالطيف .. يا لطيف.
نجيب: مصيبة ماكنشي على بالي.
ليلي: يا لطيف يا لطيف.
حمام أنا عايزة.. عايزة حاجة؟
نجيب: حاجة تاكلي؟
ليلي: آكل إيه؟
نجيب: أمال عايزة إيه؟
ليلي: عايزة أفرح عايزة أغني ..عايزة أبوسك مش عارفة ليه؟
نجيب: يا لطيف .. يا لطيف يا لطيف.
ليلي: جبتك معايا عشان تقاسمني ليلة هنايا وفجر غرامي. وأنا ليه مين غيرك يشاركني فرحة أمالي .. وهنا أيامي (مرتين).
نجيب: علشانك إنت أنكوي بالنار والقح جتتي.. وأدخل جهنم وانشوى واصرخ واقول يا دهوتى .
ليلى : علشانك انت انكوى بالنار ولقح جتتى " وادخل جهنم وانشوى واصرخ واقول يا دهوتى .
نجيب: علشانك انت لنكوى بالنار والقح جتتى
ليلى ونجيب معا : وادخل جهنم وانشوى بالنار واصرخ واقول يا دهوتى .
علشانك انت انكوى بالنار ولقح جتتى وادخل جهنم واصرخ واقول يا دهوتى .