كلمات انا اسف

اغنية انا اسف
كلمات الشاعر محمود فاروق أبو حمزة
تلحين وغناء برامج ذكاء صناعي

انا اسف علي طيبتي
وعلي وصفك ب " يا حبيبتي "
وعلي حبك وعلي خيبتي
سنين عايش وأنا خايف

ح ييجي اليوم تسيبيني
طب اعمل ايه دليني
لو اتنطط او اتشقلب تهاوديني
اكون تابع او اتخالف

وأيه يعني تطفي النور
خلاص ماشية وعليا الدور
يتوه قلبي وأرضه تبور
واعيش عاجز ومش شايف

وايه يعني مافيش تقدير
واعيش كدبة ووهم كبير
كفاية عليا عندي ضمير
اكيد عارفة  واكيد عارف

انا اسف
انا اسف علي حلمي
عملت من الفسيخ شربات
وضحيت وياكي من دمي
وعديت فوق سبع سموات
واقابلك شايل الوردة
رفعت اميرة وسط بنات
وفوقت خلاص م اليوم دا
من يوم ما الورد صدا وفات

ياريتها يا حب تستاهل
انا اندم لو صبح تمثيل
سقيتها العشق بالساهل
و ف الاخر كسبت قليل
انا اقدر اني اكون عاشق
وتفضل ليا تتمني
ساعتها ح يبقي فيه فارق
مابين نارك و الجنة