كلمات اشاعات
✍️ كلمات: كريم ابو زيد
🎼 ألحان: كريم ابو زيد
اشاعات اشاعات اشاعات
كله بينقل حكايات
كله بيكدب وبيهري ويروج للاشاعات
اشاعات اشاعات اشاعات
ناس شغلتها اشتغالات
كله عمال يشير ف فضايح
من غير اثبات
نازلين تهم كده عاطل ف باطل
بقينا كلنا مش سالكين
نسينا روحنا كده وبنماطل
وفعيوب بعض مركزين
بنزيط ف الزحمه و ننشر ف فضايح
بنشوه سمعه بني ادمين
كبير و صغير كله طايح
داين تداين اه يا بني ادمين
كاس وداير بقي ع الكل
اشمت و اضحك زي الفل
واللي يفضح مش هيفرح
بكره يشوف بعنيه الذل
اللي يشير يوم اشاعه
بكره تجيلو يا صاحبي ساعه
هيتشرد ويتمرمط
يا زميلي دي الناس بياعه
امي قالتلي استر تسلم
تمشي ع المايه وع النار تحرم
وتوبه توبه توبه هروج اشاعات
عملك راجعلك ومردودلك
الخير يجيلك ويقعدلك
وكفايه كفايه كفايه
تروجو اشاعات
نازلين تهم كده عاطل ف باطل
بقينا كلنا مش سالكين
نسينا روحنا كده وبنماطل
وف عيوب بعض مركزين
بنزيط في الزحمه و ننشر ف فضايح
بنشوه سمعه بني ادمين
كبير و صغير كله طايح
دي ولعه جاز كده علي بنزين
اشاعات اشاعات اشاعات
كله بينقل حكايات
كله بيكدب وبيهري ويروج للاشاعات