كلمات ينعاد عليك
قلبي عم يمسك ايديا
وبشدن تا قرب ليك
اله سنه عم ينطر هاليوم
بيعرف انه بهيدا اليوم
راح التقي يا روحي فيك
حدك هلا بدي صير
تاغمرك وبعدها بقول
يا حبيبي ينعاد عليك
وهاي قلبي اللي بيموت عليك
هديه مني على طول
باول مطرح شفتك فيه
عم حضرلك من اسبوع
طريق من وراق الورد
ولو لحقت وراق الورد
توقف جوه قلبي شموع
بدي تجرب ها الاحساس
وتعيش اللحظه لتكون
مثل الما بيعرف اذا حلم
ومع كل نظره يصير الحلم
قصه فيها عشق جنون
دموع الفرحه اللي بعينيك
وقلبك العم يرجف كان
صدقني حكيولي كثير
وصرت بعرف انو كثير
حبي جواتك علقان
بحب اللي عملته يخليك
تحس بانك غير الناس
وتقلن عندي حبيب
مش راح لاقي مثله حبيب
غرقني باجمل احساس