كلمات اشكر جمالك لـ

خَرّبتها والحين جيتك ولو كان
مِنْك الخطا كُلّه بدا وأنت داري

ياخي تراني صِدق بالحيل ولهان
ساحب على اللي جاب للثِقْل طاري

يا أوّل وآخر حُبّ للحب عنوان
ذَلّيت أمّ الحال طال انتظاري

تصدمني بهجرك ولا حِسّ بأحزان
أصبر وواسي ضيق بالي وأداري

درب الهوى ما فيه كاسب وخسران
دام الحبايب بين بايع وشاري

يجلط خفوقي كُلّ حاسد وخَوّان
اللي يحاول يبعِدِك عن مساري

يا ناعس العينين يا زَهر الأوجان
أشكر جمالك وبجمالك أماري

بين النعومة والحِسِن مظهرك بان
قمريةٍ متبخترة ف القماري

مثل الخَمِر ريقك وأنا مِنّه سكران
لَذّة شفاتك للسعادة تباري

ضُفني لقلبك جيت للوَصْل شفقان
في ليلة الأثنين من شوق ساري

أبغاك تاخذني غلا بين الأحضان
نطفي من الأشواق نارك وناري

من ضَمّتك بآقول (وِدّي من أزمان)
يا ليتي في ديرتك وأنت جاري

اغنية اشكر جمالك – ماريا قحطان
Maria Qahtan – Askher Jemlaek

المزيد من أغاني ماريا قحطان
بهجة عيوني
يمه ويا حنجاه