كلمات يا فديته لـ

يا سهيل اليماني كيف ميقافي
فوق رجمٍ رقيته عاويٍ ذيبه

هاجسي كلّ ما ذبّيت مشرافي
قامت النود تقبل به وتقفي به

كلّ ما راح ثلث الليل يا كافي
كنّي اللي حلوم الليل تسري به

ذكّرتني هبوب النود في قافي
في وليفٍ على ما قيل ودّي به

مع ظلامٍ يشابه ستره الضافي
أرفع الصوت بالهاجس وأغنّي به

يا اللي كفوف يديك فيها حنّا
ويا اللي عيونك رمشها غطّاني

املِك خفوقي من هناك ومنّا
وآخذ المشاعر كلّها مجّاني

يا هبوب الهوا لا أظهرتي الخافي
علّمي صاحبي باللي ما يدري به

جعلني فدوته ماني بله جافي
وطيفه إن مرّني في الليل أماري به

عارفه مثل ماني عارف أعرافي
وحافظه مثل حفظ التمر فالعيبه

هو هواي وغلا قلبي وميلافي
وحبّه قلبه تعدّى الشكّ والريبه

مسرفٍ بي غلاه وحبّه إسرافي
ناشيٍ في غلاه إلين أهذري به

يا اللي كفوف يديك فيها حنّا
ويا اللي عيونك رمشها غطّاني

املِك خفوقي من هناك ومنّا
وآخذ المشاعر كلّها مجّاني

قلبي إليا عرف له صاحبٍ وافي
ما يخون العهد ولا يبي الغيبه

يا فديته ولبّى وجهه الصافي
وجعلني ما خلا من قلبه وطيبه

في براد الليالي منطقه دافي
وشوفة عيونه إليا سلهمت هيبه

يا اللي كفوف يديك فيها حنّا
ويا اللي عيونك رمشها غطّاني

املِك خفوقي من هناك ومنّا
وآخذ المشاعر كلّها مجّاني

شيلة يا فديته – منصور الوايلي
Mansoour Al-Waili – Ya Fedaitah

المزيد من شيلات منصور الوايلي
انتي الخيرة
ليه التغلي
الليل ساري
أعز مخلوق
طبت وتعنيت