كلمات الهقاوي

ماهيب كلمة، ذيك شلفا ترحيب!
مضرابها فجّ الضلوع وتعدّى

الكلمة اللّي تستحيها من العيب
على (هلا يا مرحبا) ما تبدّى!

غبر الهقاوي كبّرت هقوة الريب
لين أبتجح مثل المليك المفدّى

العام ما تنشد زمانك وش يجيب
واليوم ما شاء الله عليك أتحدّى!

ارتاح لا شفت البنادق مشاعيب
وإذا تبدّى الموت الأحمر، تبدّى

لو نكحّل عيونك بروس المشاهيب
والله ما عاد تحدّنا وتصدّى

طيب وإذا عدّيت روس المراقيب
غيرك على روس المراقيب عدّى

طمعت في كبوة حصان الأطاليب
هبّ الهواء على شراعك وهدّى

قدّام تشغلنا ولا لك مطاليب
لو اللّي تشيله ذهب!، ليه صدّى؟

على صبا عمري غزا قلبي الشيب
أقفيت والورد الحمر دوب ندّى

أنا مدينٍ لكسرة الذيب يا ذيب
“وغيري” مدينٍ للمقادير جدًّا

ودّك تغيب! أنا بعد ودّي أغيب
ما عاد لي صوب النوايف معدّى

الجاهل يشوف المنايا تجاريب
والعاقل يشوف القدا ويتقدّى

لا عاد يغريك الغلا والتراحيب
أملك لا يُتْرَك ولا ينتودّى

حتّى الرفيق اللّي يحدّك على الطيب
بتحدّه الأقدار لين يتردّى

شيلة الهقاوي – درع المري
Al Hagawi – Dara’ Al Marri

المزيد من أغاني درع المري
هبوب الريح لـ درع المري
سيرة الظافر – درع المري