كلمات مثل الهواء

الله لو تدري وش بداخل القلب
عن حبك اللي جعل ربي يديمه
اكذب عليك ان قلت لك حب مو حب
اللي احسه لك مشاعر عظيمه

مشيت لك خطوه و كملت لي درب
ما قد قلقت ان العواقب وخيمه
حتى البكا و الحزن في ناظرك عذب
مثل الهدايا و الاغاني القديمه

مثل الهوى عقب المطر كل ما هب
صوتك يرد الروح فيني و اهيمه
تشبهني اكثر مني بالبعد والقرب
الله وش لون الليالي كريمه

اللي لك بدنيا حبيبك ماهو حب
واللي رزقني بك مشاعر عظيمه
يهون بوجودك من احلامي الصعب
و استشعرك عمري و لذه و نعيمه