كلمات وريث اهل الفخر

في محفل اللي يرفع الراس طاريه
نسل الكرام اهل الفخر والرياده
عند اللي ما اخطا سلم جده ولا ابيه
عود على الطيب وخذ الطيب عاده
ما حاز من دربه ولا اخلف مباديه
الطيب ساسه والمراجل عتاده
علي عسى ربي يبارك مساعيه
ويعيش في عز ونعيم وسعاده

صبي يبشر بالسعد من مهاده
ما يتعب الشاعر ويرهق معانيه
الا مدحان اللي على المدح ساده
اللي من الطيران وشلون نوفيه
وافعالهم فوق الثنا والاشاده
من كان جربوعي ترى اسمه مزكيه
أسم على ختم الفخر واعتماده
هله لهم شان ولهم جاه ووجيه
ومقدر عند الشعب والقياده
ان سيق له في دم ما قص راعيه
وان سيق في المسجون فكو قياده

يزبن عليهم لين يبلغ مراده
مابه ناموس والا وذا وسمهم فيه
ولا فيه مجد الا تعلو شداده
من طيبهم حتى ولدهم ما اسميه
الا وريث أهل الفخر والرياده