كلمات ليالى العمر معدودة

ليالى العمر معدودة وليه نبكى على الدنيا
وناس فى الدنيا موعودة نصيبها يروح لناس تانية
ليالى العمر ليالى العمر
ليالى العمر ليالى العمر معدودة
صحيح الدنيا دى خاينة وخدعانا بامانيها
نهاية ضحكها باينة وبتحاول تخبيها

لا عندى امال تضيعها ولا فيه بخت فى الدنيا
ليالى العمر ليالى العمر
ليالى العمر ليالى العمر معدودة
بيعوها ياللى شارينها وسحراكم لياليها
ده عاش اللى خرج منها ومات اللى فضل فيها
امانة ياللى تهوانى تغيب عنى وتنسانى
وفكر فى حبيب تانى يكون له عمر فى الدنيا
ليالى العمر ليالى العمر

نقدر والقدر يضحك ونفرح والزمن ساخر
وبتعجب على امرك يا طالب عمر للاخر
فى دنيا فانية وتحير لا ترضى كبير ولا صغير
ده لو اللى سابها يتخير ما يرضى يرجع الدنيا
ليالى العمر ليالى العمر
ليالى العمر ليالى العمر معدودة