كلمات مجروده

مرحب ياجمهوري الغالي
ياللي قدره عندي عالي
مالحظه ننسي من بالي
ناس اجواد علي غاليين

ناس اجواد عرب يسمو
لاينهانو لاينذمو
باعمالي ديما يهتمو
ماهم كيف اللي فاشلين

ماهم كيف اللي صفاقه
لاذوق ولاهم عشاقه
فن ابوادي فيه لباقه
تراث ابوادينا زين

تراث ابوادي مشواره
فيه خذينا كل ادواره
بالفن الراقي معياره
والناس علينا شاهدين

والناس اتقيم سيريتنا
زينه معروفه نيتنا
ماهي مجهوله جيهتنا
مانا مللي منسيين

مانا مللي دوم ايحرف
راسه مقلوبه ويخرف
معروف اللي مايتعرف
ع الساحه هم فنانين

عالساحه واجدين ايغنو
قله في الجمهور ايهنو
واجد مغرورين تمنو
عالفاضي م المشهورين

عالفاضي ماشي ايطرب
بشعار هزيلات ايخرب
مامللي جانا متعرب
في لهجتنا هم لاويين

في لهجتنا ما جادوها
واللي مكسوره مدوها
ياريت ان كانو خلوها
في هلها ديما خايلين

في هلها من نسل احرار
ولي من جمهوري اعتذار
انسيب الفن بعد مشوار
طويل معانا ليه اسنين

طويل وله جمهور كبير
لهم مني كل التقدير
ونختم مشواري في خير
وحسن اختامه متمنين

وحسن اختام الله دعينا
قادر يرحمنا يهدينا
من خير ورزقه يعطينا
ومعانا قولو آمين