كلمات أول ساعة في الآخرة Awel Saah Fel Akherah

في آخر ساعة في الدنيا
وأول ساعة فى الآخره
ملاك الموت بيستأذن
رسول الله بتسمحله
بإذن الله بتفتحله
ولا بتخاف ولا بتحزن

واقف جبريل بيدعيلك
دموع عيشة على سريرك
ملايكة بتقرا فى القرآن
وبتسبح وتستغفر
وموتك فرحة ومقدّر
ولا دايم غير الرحمن

مفيش لا ميراث ولا وصية
كنوز الدنيا منسية
لا فرش حرير ولا دنانير
تقول ما املُكش غير وعدك
يا رب اخترت ما عندك
وعشت فقير ومُتّ فقير

في آخر حِجّة في عرفات
مشيئة الله ومش صُدفة
تودّع كل أحبابك
هموت الليلة يا فاطمة
مفيش لا حزن ولا أزمة
دموعِك نور في محرابِك

يا أطهر ناس على عهدي
يا أحباب جايَّة من بعدي
بَصلّي الفجر وأدعيلكم
ويغفر ربنا ذنوبكم
ونور الهادي في قلبوكم
وفي الكوثر هقابلكم

بيكمل دِيني من دينكم
وأنا دلوقتي ما بينكم
وفي الآخره أنا معاكم
بوصّيكم توصّوني
وآمانكم تأمنوني
لا تنسوني ولا أنساكم