كلمات السيبة

( إيو الله ساب دا الشعر حتى من والا تصنفوا شعارا،
لاش ما تشعر يالحمار)
أح أنا المكوي بلا جمر كية فلكبدا وقاست المرارا
على الشعرا وعلى الشعار
وعلى الدوق فجيلنا خسر غداوه بالخايب والف المشخارا
خرجوه مكبل ليسار
لمليح فمشروعنا غير وقلال المزيان عاد بالقطارا
يا لي ما عندك لخبار
دخلوا للميدان شي بكر صابوا لمحبة ماليا غرارا
او بداو يخبطو بجهار
القسم الثاني
سوق الشعر تشرع واكبر دخلوا لو قومان ما داراو مهارا
ما مالكهم لغى وحبارا
بالمعدوف تكدس واعمر وعرارم لكلام لبخيس إمارا
ما بقى فلحنطة زيار
وضحكات الكلمة بلا قدر وجخاخ دلكلام خصها لعمارا
بلكراكر من دون عبار
كل قبيح انتشر واكثر ورباعة تكلاخ واقفا فلكارا
كتدلل تشطيبة دار