كلمات حبك عذاب

غاب الشفق والصدر ضاق
اول مساء بعد الفراق
حتى ولو ضاق الخناق
وصلك ترا مر المذاق
مدري خطاء مدري صواب
اسال ولو ما القى جواب
بس الاكيد انك سراب
وحبك كذا غبن وعذاب

حبً دروب اهل المحبه تنقصر دونه
اصونه وكنت احسب انك مثلي تصونه
واثرك من اللي للاسف مايتسحقونه
خذا الغضب روح الرضاء
كن فـ الصدر جمرة غضا
واليا طرا لي مامضى
يضيق بي وسع الفضاء
صح الجفا نار وجمر
بس الوصال ادها وامر
ماعاد في قربك ثمر
واللي حصل غلطة عمر

لو ادري اخرتك كذا ماكان حبيتك
ولا على الادنين والاقصين بديتك
لاتحسبني بتندم يوم خليتك
اشره علي ان كانني من بعدها جيتك
طال الصبر حتى نفد
وش حدني على النكد
لكن لك مني وعد
لنسى غلاك إلى الأبد
يعني على حبك سلام
ماعاد لك عندي مقام
خلك على ذكرى الغرام
ابختصر كل الكلام
مهما تحاول تعتذر ماعاد تعنيني
طيحك قلبي من قبل طيحتك من عيني
مابي الطريق اللي على دربك يوديني
عسى العوض عن مامضى في باقي سنيني
معلومات الاغنية
محمد بن عبدالله
تسجيل :
باور ساوند
توزيع ومكس :
محمد الطليلي
فيديو :
سند - SANAD