كلمات مخطوفة

هي دي الفرحه اللي انا اتمنيت اعيشها
هو ده الحضن اللي متفّصل عشاني
هو انا ازاي قبل منك كُنت عايشه
لما بس الثانيه جنبك عُمر تاني
نظرتك فـ عينيا بتخليني اصدق
إن انا اللحظه دي مش بحلم وصاحيه
وإني لما باشوفني بـ عينيك دول بتفرق
عندي علشان بس فيهم بابقي أحلي!
مخطوفه من يوم ما قابلتك ..
وخلاص حسيت إن انا ملكك
ووقعت معاك فـ اجمل ورطه! ⁦

بيها اني بحبك وبحبك
وبحبك للمره التالته! ⁦
حاسه إن انا عايشه أيام ليها معني
وانت فيها الدنيا ضحكت من جديد
كنت بدعي وربنا سمعلي وجمعنا
يوم ما قلت يارب قربلي البعيد
عايزه اقولك إني حاسه إحساس غريب
والكلام طالع لوحده من عينيا
كنت دايماً خايفه من كلمة نصيب
بس ربنا فجأه طبطب بيك عليا! ⁦
معلومات الاغنية

جيتارات : جوزيف دمرجيان
ايقاعات : احمد جراح
وتريات : اسطنبول - تركيا