كلمات اصعب فراق

من البداية انا كنت خايف ياما قولت بلاش
كتير وعدوني مشيوا وسابوني كان قلبي مجاش
فمتعلقش روحي فيك وتبيعني ببلاش

بأفعالك خلتني احبك واشتاقلك
قربت منك اكتر روحي بقت ملكك
وفي ثانية كله اتهد وروحت زي اللي قبلك

محبتنيش انا احساسي ميكدبنيش
الاخلاص نعمة وانت مفيش
من نوعك ياما بس مني متلاقيش

قدمت الخير دة جزاة اللي كان عنده ضمير
من براك حاجة وجواك غير
شهدت الكل وقالوا ان انت مصونتنيش

انا كل يوم بعاتب صورك وبسأل 100 سؤال
ازاي كنت جنبي بعدين تسيبني تغير حال لحال
على دة الوضع بلوم انا فيك ليالي طوال

اصعب فراق تدي الامان وفجأة يخلى بيك
ازاي تموت ذكرى ليالي كتيرة محفورة فيك
عقلي كان رافضك م البداية وقلبي كان شاريك