كلمات الامتحان حان

الامتحان ع ال ع الأبواب
اللي ذاكر ذاكر اللي غاب غاب

أصل انا داخل .. هلقط م اللي حالِل
لأ مانت لازم تتعب بس خد فواصل

وانا اجيب ملازم .. وهحل لازم
طب جرب بس تبص في الكتاب اللازم

يا ليل ياعين يا .. يا ليل يا ليل
ودماغنا خلاص هتسيح اه بس مركزين

يا ليل ياعين يا .. يا ليل يا ليل
والجو ده مش مريح اه بس نكون فايزين
-
فتحت أول صفحة.. لقيت طلاسم
كأني داخل رحلة.. لبلاد و عواصم
المادة في الـ PDF.. جايبة المنهج مختلف
وانا كل ما اشوف اللخبطة .. معرفش ابتسم !

ياعم روق وفوق وقوم وركز عاللي جاي
الموضوع كله يادوب بيدوب مع سهرة بشفطة شاي

يا ليل ياعين يا .. يا ليل يا ليل
ودماغنا خلاص هتسيح اه بس مركزين

يا ليل ياعين يا .. يا ليل يا ليل
والجو ده مش مريح اه بس نكون فايزين
-

الامتحان حان حان الآن..
اللي ذاكر ذاكر يلا ع اللجان

طب انا مذاكر.. بس مش فاكر
طب ركز بس شوية واللي حاصل حاصل

وانا شكلي شايل .. هلجأ للتحايل
ما تكتب اللي عارفه واللي تجيبه هيبقى واصل

فتحت الامتحان .. لقيت السهل بان
وشوية والاقي الأسئلة جاية من الملغي كمان
الملغي في الكتاب حاجة تجيب الاكتئاب
وانا كل لما اعدي مشكلة .. بتاخدني بالأحضان !

يا ليل ياعين يا .. يا ليل يا ليل
ودماغنا خلاص هتسيح اه بس مركزين

يا ليل ياعين يا .. يا ليل يا ليل
والجو ده مش مريح اه بس نكون فايزين