كلمات ذخر العشيرة

اللحن الاول
كان به حي يساوي له قبيلة
عندنا قرم يعادل له مداين
من بني هاجر مغاوير الدبيله
قبل لا الشيلات ترنع فالمزاين
نوم عيني لاقدح خشم الفتيله
راحت البلوى بقومتهم هواين
فزعة ماهيب تضوي بالفشيلة

اللحن الثاني
ابطيت من نتخ البكار المزايين
واليوم لا والله هات الذخيره
ما هاض مابي غير قضاية الدين
عقب اكتفيت من البحور الغزيره
يشهر ليا صكو عليك الديايين
كنه يفرق له جموع مغيره
يشدي عقيد يبتجح بين صفين
ما يلتفت في الطايحه والكسيره
ما يضرب الا راس طلق الحجاجين
يعفي عن الطابور لا خم اميره

محمد محمد معه تهجع العين
انه ولد زومان ذخر العشيره
راع الجناب السمح والمنطق الزين
سعد المغربل في الامور الكبيره
مقدم عرب ما هوب شيخة رعاوين
من قال فيه الزور حسنا مريره
من خلقته ما قال مدري وبعدين
لا خابت الهقوات ما فيه غيره
الفزعه اللي تقسم الجمع نصفين
ميزة بني هاجر نظاف السريره
هواجر عند المواجيب عجلين
من ال زومان الوجيه السفيره
ترثة مخاضيب ثعو في الميادين
اسم يروع اهل الاصايل نذيره
لباسة الجوخ الحمر في الاكاوين
يا ويل من جرو عليه الجريره
اهل المهار الصفر يوم الاكاوين
منهم غدت خيل المعادي ثريره
ويوم استتب الامن كنهم سلاطين
كرم تليد وطيب خوه وجيره