كلمات خيالات القصص

يا حكايه من خيالات القصص
ويا حكايه عمرها لحظه لقاك
علميهم من سواك
انتي ياللي معطيه القمره ضياها
وانتي اللي ما انوجد حسن سواها
وانتي اللي خطوتك شمس وفي
وانتي ياللي طلتك هي كل شي
اقبلي يالجوهره

الف الصلاه على النبي و الف السلام
في طلتك يا الجوهره بدر التمام

افتحي باب العمر ثم اقبلي مثل السعاده
زفتك نجوم تاخذ من طرف طرحتك ضو
جوهره هذا المسا وخطاك عالنسمه تهاده
خطوتك فوق السحايب ما مشيتي الا علو

لك شعور الفرح مغرم عند طلتك بزياده
كل ما نساله عنك قال تو الفرح تو
امشي الخطوه تبختر قربي الصبح بمعاده
شايله طرحتك شمس وورد في يدينك نمو

من عطا حسنك قبول خالقك اجمل عباده
هيبه و زين و تباهي كلهم فيك احضرو
جوهرتنا وزفتك اشعار لك عقد و قلاده
واجمل ابيات القصيده في هدب عينك غفو

انتي يا حلم تحقق فوزه و لحظه حصاده
كلها في عينك انتي قلبه و احساسه صفو
طاب من شافك نصيبه عشق يكبر في زياده
جلوي اللي اختاره قلبك ومحد غيره الا هو

يا عيون مشاعل انتي وانتي يا معنى السعاده
اكتمل فيكي فرحها و نبضها كفوف دعو
انتي يا اصدق شعور بقلبها الفرح ومعاده
وانتي يا فيض المشاعر كل ما اسمك طرو

افتحي باب العمر و استبدلي الليل و سواده
و فلي الطرحه تهادى من طرف طرحتك ضو
يا عسى فرحك يدوم و قلبك يوصل مراده
و السنين انتي سعدها وكلها فيكي صفو

المسا انور لك العارض تغنى
و زينوها من النفود الى تهامه
جوهرتنا و القصايد لك تعنى
وش نقول وليلتك اجمل ختامه
يا معربه الجدود ان قيل حنا
من هل العوجا العظيمين النشامه
ال السعود وكل مجد تثنى
هم اساس العز تيجانه و سنامه
جوهرتنا و الشعر فيك يتغنى
لا غدى لك اجمل احساسه و كلامه
اقبلي والليل بك زان و تحنى
و النجوم عقود تضوي لك ظلامه
طاب ليلك يا عسى ايامك تهنى
و يا عسى هالفرح يكتب لك دوامه
المسا انور لك العارض تغنى
وانتي في هذا المسا مسك بختامه