كلمات تغيير الفصول لـ

اللّي عَدّى قبلك كلّه قلبي عنه فعلًا مش مسؤول
كان مشقلب كلّه و مش معدول
حاجة تشبه تغيير الفصول

صدفة جيت قصادي خطفت قلبي شغلت عقلي و دِبّت فيك
كل ما أقول كلام بيكون عليك
يعني فعلًا روحي لقيتها فيك

كل اللي بيسألني عنك
إنت عيوني بتضحك بس ليه
يعني ممكن أحكي و أقوله إيه
عَ اللي ساكن فيّا و ساكنه فيه

إنت أقرب ليا منّي
روحي شبهي حتى في لون عينيك
بترتّب حياتي بلمسة شيك
واخد كل حلاوة الدنيا فيك

اللّي عَدّى قبلك كلّه قلبي عنه فعلًا مش مسؤول
كان مشقلب كلّه و مش معدول
حاجة تشبه تغيير الفصول

كل الناس في كوم و حبيبي كوم
و الباقي يعني مالوش لزوم
شاغل بالي لما بنام و أقوم
إنت نعمة بدعي يا ريت تدوم

زي مصباح سحري بيحققلي في ثانية كل الأمنيات
ده اللي في عز صمته قايل حاجات
شكله زي أمير الروايات

إنت زي باركود قلبي مش بيقبل يفتح إلّا بيك
واخد كل حلاوة الدنيا فيك
كل يوم بتشد زيادة ليك

زي طفلة بتلجلج في كلامي لما بس بشوف عينيك
أيوه طبيعي أتشند عليك
فيك كاريزما تشد الكل ليك

اللّي عَدّى قبلك كلّه قلبي عنه فعلًا مش مسؤول
كان مشقلب كلّه و مش معدول
حاجة تشبه تغيير الفصول

اغنية تغيير الفصول – يارا
Yara – Taghyeer El Fousoul

المزيد من أغاني يارا
يتوق القلب
غلط كتير
باريس اللقى
يا غلاي
نعمة فحياتي