لو تحبني قل قلبك هالمزاجي انه عذب قلبي و اتعبني مزاجه ايه احبك غير عزت نفسي تاجي يعني كلك والا مابي منك حاجه المحبه ماهي عرش وبرج عاجي والجفا عوق عجزت ألقى علاجه وانا لو يذبحني شوقي واحتياجي إللي مثلي ما يذله إحتياجه جيت اعيشك لي وطن ماجيت لاجي جيت لك والعز يطوي لي سراجه جيت احبك للابد واكسر سياجي ومن غلاك اغليت حظي و اعوجاجه مصعب الاحساس لا جاك ازدواجي بين شهد حالي ومالح وجاجه مثل حزني لا تذكرت ابتهاجي وابتسمت وقلت عند الله انفراجه