كلمات رجعت العصفوره

رجعت العصفوره تعشش بالقرميد
و السوسنه رجعت تزهر من جديد
اجت الشتويه تجمعوا العشاق
رجعت المدارس اطفال وتلج وعيد
و طلع السماق ومد جناحو
بس اللي راحوا راحوا
بالدفاتر عندي اسامي غياب
اصحابا تركوها صارت بلا صحاب
يوسف الكندرجي صبحي بياع الكاز
وامين البواب اللي انقتل ع الباب
اساميهن عندي وهني راحوا
و كل اللي راحوا راحوا
قالوا كتير وكتبوا كتير
ومراكب دمع وعواطف حرير
وصلت القصايد لاخر الدني
القصايد المجروحه لاخر الدني
قالوا تهدم وطن الهدير
وطن الزمان اللي علم وبني
و بكيت الدني بكيت الدني
لكن رح نرجع من حرايق
رح نرجع من شوارع هدمتها المدافع
و لبنان الحقيقي جايي لبنان البساطه جايي
تا يشيل الوجوه المصبوغه
الوعود المدموغه
وياخدهن الشتي
بفيي البواب
عم تكبر الطفوله
عم تكبر البطوله
عم تلمع الساحات
ياوطني العظيم يا وطني
نهر الفرح والع
وبضو الفجرالطالع
تتوهج الحياه