كلمات ساحات المطار
مـن يـديني طـاحت الـفرحه وهـدايا
وطـاح مـعها الـقلب مـكسور وتركته
خـفت اشـيله ثـم تـفضحني النوايا
وكـم كـسر فـي ضـلوعي مـا جبرته
مـن هـنا شـوقي بـدا يـملا الـزوايا
بــيـن ســاحـات الـمـطـار ولا لـمـحته
وصــلـونـي مـابـقـى فـيـنـي بـقـايـا
ولا بــقـى بـالـعـين دمـــع ولاذرفــتـه
روعــونـي واظــلـم الـكـون بـسـمايا
وفجعوني في مرضها اللي مرضته
جـيـتـها مــرتـاع واوجــاعـي ورايــا
بــس أبـلمح وجـهها واروي ضـمايا
ءوجـهـها الـلي مـن تـعبها مـاعرفته
جـوهرة قـلبي مـعاليقي حـشايا
كـلميني صـوتك افـرح لا سـمعته
لـيـت كــل أوجـاعـك أخـذهـا مـعايا
فــدوتـك عــمـر لـغـيـرك مـــا وهـبـته
يالرياض اشوفك اضيق من فضايا
مـن بـعد ما كنتي أرحب ما سكنته
وجـهـي الـشـاحب تـركته ف الـمرايا
والانـين الـلي كـتم صـدري حـبسته
مــات قـلـبي وانـقـبر بـيـن الـحـنايا
قـلبي الـلي مـن قـبل لارحـل قـبرته