كلمات كدة طيبة

لفت الايام و دارو ..
واللي كانو معانا طارو ..
كلو بيحول مسارو ..
و اللي بيروح مابيرجعش ..

اللي عملو بيشترونا ..
كانو اول ناس باعونا ..
تمثلية و متعونا ..
علمونا مانستجدعش ..

كدة طيبة طيبة ..
شطبنا .. كفاية جدعنة ..
و اللي عايز يمشي يمشي ..
احنا هنفضل على وضعنا ..

عيش و ملح الملح داب ..
اتقفل ع العشرة باب ..
روحت فين يابو الصحاب ..
اختفيت ف الهوجة ليه ..

كلو صفصف عالفاشوش ..
و اللي قاللي الناس وشوش ..
جنبي بصيت مالقتوش ..
و أتكشف ١٠٠ وش ليه ..

كدة طيبة طيبة ..
شطبنا .. كفاية جدعنة ..
و اللي عايز يمشي يمشي ..
احنا هنفضل على وضعنا ..