كلمات روف آذابل الأعيان

روف يا ذابل الأعيان
يا بو حاجبين معرقة وزينة
زور العشيق يزيك من التيهان يا غزيل بستاني
قلت آ سيد الغزلان يا من خدك للعاشقين فتنة
جميع من يراك يحبك و أنا فنيت بيك آ سلطاني
يا عين الحسان يا من صال بوردات على الوجنة
يا من سيوف عينك يطعنوا في صميم ذاتي وكناني
يا قد قضيب البان ما بين دواحو في رياض جنة
مثل العلام ولاّ صاري ولاّ الرمح للطعن مثاني
آ عراض الغزلان آ عراض الغزلان ما في قلبك يا مالكي محنة
والله لوكان يا غزالي هويت لأفلاك لكانت تهواني

روف آ ذابل لعيان يا بو حاجبين معرقة وزينة
زور العشيق يزيك من التيهان يا غزيل بستاني

يا تهليل السلطان من حازك لبساطو حاز الغنى
يظفر بالتبر والياقوت ينال بيك ملك سليماني
زور نغنموا سلوان واعمل فيا يا بودلال حسنة
وعلى محبتي لوكان يسجنوك ما تخالف ديواني

روف آ ذابل لعيان يا بو حاجبين معرقة وزينة
زور العشيق يزيك من التيهان يا غزيل بستاني

أنا البايت سهران وأنا اللي في قلبي مياة محنة
على عداد ما في شفرك سيوف يا الطايع ادياني
لايمني سير وكان لازالت لإيام تردهم لينا
واللي عمل خير يصيبو وجميل لله العالي

إذا ناح الورشان فوق اغصان الروض واشتكى
بمحنة نشكي بليعتي حتى انا لله يا الزايد محاني
إذا ماست لأغصان وعليها الطير فوق الدواح غنى
غنى سالوا دموع عيني من وحش بهاك يا مكثر هجراني

روف آ ذابل لعيان يا بو حاجبين معرقة وزينة
زور العشيق يزيك من التيهان يا غزيل بستاني

يا من درى كان تبان يا بدرك ساكن في سماه وزنة
راني نراقب كل ليلة ونهار كان تعطف لمكاني
خدك مثل العقيان وشفر حسام المهج كي يتدنا
نا فعار داك الخال اللي فوق خدك اكواني

يا بو زندين ليان تمثيل دباج من الحرير لفنا
لله من كفوفك جود عليا بكاس يحياو بداني
لا تغضب يا مزيان واعطف برضاك يا بو دلال عنا
سبحان الخالق خلقك من العقيق والورد الفاني

روف آ ذابل لعيان يا بو حاجبين معرقة وزينة
زور العشيق يزيك من التيهان يا غزيل بستاني

دير معايا لحسان وعنا بيا بيك الكريم يعنا
لى الملاح يرفع ربي شانك إذا رفعتيلي شاني
شكايا للرحمان يجمعني بيك في قريب نهنا
والله يا غزالي ما غرضي فيك غير ننظر بعياني
لا تصغى للعديان ولو قالو فينا كلام شينة
خلي كلامهم يا ولفي و أجي تشوف عشقي رباني
نتأدب للحسان و نبايعلوحتى نحب نفنى
لي صعيب عنك واجب عنك هكذا غيواني
خود سلوك الدهبان كل عقيقة فيها مياة معنى
تمتيل العلمي نسلي لعشيق بألفاظ وزاني
يا ربي يا منان من علينا يا ذوالجلال منة
بزيارة الحبيب اللي عمري ما نسيت ذكرو في لساني

روف آ ذابل لعيان يا بو حاجبين معرقة وزينة
زور العشيق يزيك من التيهان يا غزيل بستاني