كلمات زما سلام دی
زما سلام دی
خدای به مې ورک لالئ پیدا کړي
بیا به همزولو منځ کې خواره نه کېنمه
زما سلام دی
بیلتون دې قدر را معلوم کۀ
که بیا مې یار شوې غلامي به دې کومه
زما سلام دی
غږ دې راتۀ کڼه خو نه وم
د مېرې کور دی در وتی نه شوم مئینه
زما سلام دی
غم به مې جرړې د زړۀ پرې کړي
د بل د لارې مله نۀ راځي خوبونه
زما سلام دی
زما په زړه کې څړيکې وشوې
لکه چې زړۀ کې د لالي وګرځيدمه
زما سلام دی
ژوندون مې کټ مټ جهنم دی
د دوزخونو به دې څه پروا لرمه
زما سلام دی
په ميلمنو دې ډزې وشه
تر نيمې شپې پورې يواځې ناسته يمه
زما سلام دی
بې وسي توره وي که سپينه
لالی مې ځي زه په کنډو ولاړه يمه