كلمات قهوة ساده

معتش فيها عقل خلاص قربت اتجن
كانت غريبه ان الغريب اقربلي غريبه كان احن
بان عليا..هد الحيل وبان العجز فعيني
مبقتش اعيش فهدوء نهائي من صراعاتي بيني وبيني

كحلت عيني سواد عشان مشوفش الماضي
هوصفلك اي منا شفتني وانا بتقتل قصادي
زاد الحزن فخدت ركن واتعودت ان انا محتجش لحد
مسكت فيهم قد اي وشوف كام مره اتبعت

صعبت عليك نفسك يعم ما قلت بلاش
قلتلك زيهم قلت لا دول مش زي كل الناس
كنت تسكت وقت زعلك كانو عادي مهما شيلت
انا مش عارف اقلك اي بس اتمني تكون فهمت

ملتني عتاب.. ملتني حتي كلام
مليت اكون موجود للكل وانا لوحدي بس تمام
مليت سكوت مليت اعيش بحارب كل حاجه
خلص الكلام خلينا نشرب قهوه ساده

وزيد سكوت خليك محبوس جواك
ضمنت كل حاجه ومفيش حاجه كانت فداك
رغم انك زودت ضرب لكني برضو خرجت سليم
انت فين وانا فين متبص كويس لو مش فاكر فانا كريم

مالي العين خزلان من كل الي انت مسكت فيهم
اذوك رغم انك انت كنت ضهر وسند ليهم
رغم انك كنت شايل كل شئ ومشتكتش
مش عارف البرود ده صدمه ولا انا محستش

قطعت اميال بتقدم ورد ومبصوش ايدك
منابكش غير تعاوير عشانها بس ما بتريدك
اهدي حبه عليك يعم وصونها حلك كسر خاطر
وقعنا عادي ما قالو مبيقعش غير الشاطر

بص كويس وانت تعرف مين باقيلك
شوف هزه الغربال م الدنيا وقعتهم لاجل تشيلك
لاجل تفوق وتحب نفسك لاجل تفهم مين حبيبك
لاجل ما تبقي اقوي اقتل اخر حاجه حلوه ب ايدك

جه الوقت الي انت تبقي فيه بخير
عارف رجلك راحه فين راسم لنفسك خط سير
عارف كويس قيمتك ومش في دماغك مين قال اي
مش فارقه مين يكمل ولا يمشي ومش هنسأل ليه؟