كلمات نهر الوفا Nahr El Wafa

في نهر الوفا يا قلبي ياما ضاع قلوب
خلينا نشبع يا قلبي من عيون المحبوب
بكرا بيطل النوى .. بيعصف بالغصن الهوا
وبتصير تتألم يا قلبي .. تذوبني وتذوب

حملني ع جناحات الحب .. خدني لجو جديد
مهما كانت صعبة الدرب .. وكان الشوق بعيد
الدرب منقطعها بلحظات .. مع النسمة والغيمات
بلاد الحب كتير يا قلبي .. فيها دروب دروب

بضويلك من روحي شمعة.. إتدفيك وتهديك
بسقيك من عيوني دمعة .. تشفيك وترويك
وين صرنا من غير جناح .. كترت علينا الجراح
خلينا نتعب يا قلبي .. ويتهنى المحبوب

ياما سهرت ليالي وحدي .. هالقلب موجوع
طيفك حدي والمخدة .. تبللها الدموع
والقمر طل قبالي .. وحدو عارف بحالي
بيعزيني وبيقولي توبي .. وما كنت أعرف توب