كلمات جرا ايه ياعنيا Gara Eih Ya Einya
جرا ايه ياعنيا بتسهمي لية
من أول مره حنيتي اليه
حسيت بشعور دايما علي بالي
وكمان احساس لغبطلي كياني
وسهرت بسببه ليالي ليالي
أسرح فجماله وحسنه الغالي
ودعيت من قلبي يكونلي حبيب
ويقضي معايا العمر قريب
ويكون لجروحي وألمي طبيب
عن قلب وروحي مايبقي غريب
أيه اللي جرالي حبيت كده ليه
ولاكان علي بالي أسرح فعنيه
وسحرني بضحكه ودوبت انا دوب
خلاني أبات فالليل مغلوب
من اول مره انا شفتو يادوب
بقا جوا القلب خلاص محبوب
دانا جوه بحوره غرقت أوام
والقلب حكالو وقالو كلام
وياريت صبرني بحتي سلام
خلاني شهور ماعرفت أنام
طب بس قولولي انا أعمل أيه
ماانا والله عيوني بتحب عنيه
ده القلب ليلاتي يفكر فيه
دانا كل حياتي خلاص فإيديه
طب حد يوللي انا أعمل أيه
علشان أرضيه وتحن عنيه
يمكن مش واخد باله أكيد
إكمني ظهرت فعمره جديد
لو حس بقلبي يكون يوم عيد
وساعتها انا هابدأ عمر جديد
وفيوم خد باله وصارحني خلاص
أتاريه كان شايل نفس الإحساس
هانعيش الدنيا غرام فغرام
ونحقق سوا كل الأحلام
ونقول للفرح تعالي أوام
وتعالي نعيش باقي الأيام
أجمل من كده فالدنيا يكون
أجمل من الحب فكل الكون
ولافيه ولا غيره ولا حتي ظنون
ماخلاص حبيت أبو أحلي عيون