كلمات حيران
تفرقة ومحن كتيرة كانت إتراكمت مع الزمن وطالت
عملت صدمه للأمان شالت سببت ألأم الناس عانت
ضرر كبير الضغوط زادت ضرر كبير الضغوط زادت
ظروف قست النفوس ضاقت الحال إتغير الإمور جاطت
ما قادر أفهم أنا متلخبط حيران عصبية قبلية كراهية في المكان
ما قادر أفهم أنا متلخبط حيران جو مسخن خلي متوتر زهجان
دي مقصوده ولا أقدار بسأل نفسي بإستمرار
ليه كل مره في إنكسار ليه نحنا لسه في الحصار
ليه من دمار لإنهيار خراب وبشتنة ديار
واحد مسكين وتاني حقار عايشين في ظلم وإستهتار
ما قادر أفهم أنا متلخبط حيران عصبية قبلية كراهية في المكان
ما قادر أفهم أنا متلخبط حيران جو مسخن خلي متوتر زهجان
الناس محتاجة لي تفاهم واستقرار بنية صادقة عشان تعيش في أمان
يا زول يا طيب ممكن تعدل المسار تساعد وتشارك مع الجميع إنت فرحان
نعمل نفير كبير نحنا أهل العمار نظبط الأحوال بدل خراب يكون بنيان
بلدنا بي خيراتها والنعم مالية المكان نتقبل بعض نتساوي نتعايش أخوان
ما قادر أفهم أنا متلخبط حيران، عصبية قبلية كراهية في المكان
ما قادر أفهم أنا متلخبط حيران جو مسخن خلي متوتر زهجان