كلمات نفسي أتجنن
كان نفسي أتجنن واتجننت
وجناني تمرد علي القوانين
علي عيشة كل البني أدمين
أنا لما بقيت كده من المجانين
حسيت ان انا بالفعل عقلت
كان نفسي اتجنن واتجنت
جوه بنتعامل بالملاليم
وحياتنا نعيم كلها في نعيم
إحساس العقل الواعي أليم
ان كان في الوله أو كان في البنت
كان نفسي أتجنن واتجننت
أنا هفضل واقف بالمقلوب
وهحدف كل الناس بالطوب
كتر التفكير مبقاش مطلوب
علشان بيخلي العقل يشت
كان نفس اتجنن واتجننت
سميت الحاج مخمير لوله
ولعبت في وسط الشارع اوله
وشربت الخل بكل سهوله
ورقصت في موت صاحبي ودندنت
كان نفسي اتجنن واتجننت
في الأخر كده قول زي ماتقول
قول أن جناني مهوش معقول
طب ايه في الدنيا دهه معقول
يالي انت بموت الحلم آمنت
كان نفسي اتجنن واتجننت