كلمات الغربه مرار ( صحبي ياصحبي يبو الصحاب ) Al Ghorba Marar
احساسي وانا رايح المطار
هتغرب والغربه مرار
ودموعي جوه عيني نار
بس اعمل ايه
احساس ميعوضهوش كنوز
ياللي حاسبنها بالفلوس
والله انتو متعرفوش
ضاع مني انا ايه
امي وانا ماشي شوفتها
في دمعة نزله منها
انا غصب عني سبتها
بس دي لقمة عيش
شنطة علي كتفي شلتها
من جوه فيها هدوم شقا
وانت يارب عالم بقا
يارب متسبنيش
تليفوني رن شوفتو مين
اللي سيباني من سنين
راجعة بتقول ع الحنين
وواحشتها
ولقيتني سرحت ف اللي كان
اللي بيني وبينها زمان
نزلت دموعي قوام
من جرحها
مش هأذي فيكي ولا اجرحك
انا هدعي ربي يفرحك
ومن حياتي همسحك
اصل النهاية اخلاق
سيرتك هتيجي بكل خير
علشان انا واحد اصيل
ومتخافيش سرك ف بير
يلا سلام وفراااق
صاحبي ياصاحبي يا ابو الصحاب
خليك جنبي لو كله غاب
لو قفلو في وشي الف باب
بابك مفتوح
اسندني وكون ليا دليل
ده انا عشمي يا صاحبي فيك كبير
انا وانت مشينا طريق طويل
وداوينا جروح
انت تحويشة عمري انا
عرفك بقالي كام سنه
ياعم اخويا وربنا
تسلم يابن الأصول
كنا عيال فاكر بقا
شوفنا الهنا وشوفنا الشقاء
وزي ماحنا علي وضعنا
طريقنا كان معدول
انا كنت عيل حصل ايه
عجزت ازاي بالسرعة دي
فات العمر محستش بيه
ف غمضة عين
ارجع لوحتي يوم زمان
اجري واللعب تاني في المكان
احساس الفرحة والامان
راحو مني فين
حطوني جوه اله الزمن
وانا اللي بدفع التمن
اه مالحياة لا تؤتمن
خسرت فيها كتير
مبقيتش لاقي ضحكتي
فجاة اختفت ليه فرحتي
مشيو وسابوني في وحدتي
وسهري طول الليل