كلمات BTSA2AL
عامل فن متكامل ب ٤ جيجا رام و لحام
تسألني بدأت ازاي هقولك في يوم من الايام
بياع غزل البنات من تحت البيت الهمني بصوت مزمار
و من ساعتها التساؤلات مش حلاني و جايبالي صداع
طيب ايه الاوضاع؟
في العقل صراع
دايم طبّاع مع الايقاع
مخزن اسرار
وانا وانا وانا وانا
افكر في الميري ولا العلاقات؟
اعيشها جد ولا استعباط؟
و يا ملامح خفي عليا شوية
اعتبريني الاهرامات
انا بتساءل هل من ممكن اعيد حساباتي
و اعيش احلامي و اشقلب حالي و ابطل اجاري و اعيد من تاني و اصفر؟
انا بتساءل هل الصحة هتكفي ايامي؟ و هل الشكل هيرضي عيالي؟ و لو ملقتش هخبي زنادي و اخلص؟
انا بتساءل هل انت صاحبي ولا؟
ماشي على خطى اللي قبلك
اول ما شبع فلق
اول ما سِمع قَلق ( قال لا)
فسر…
انا بتساءل هل لو، هل لو، هل لو……؟
مشيت عالاسفلت اللي مش مهلوك
بُعد النظر قالي الف مبروك
محدش هيوصلك يا قلب اخوك
كل دول يخويا ما يستهلوك
حاضر حاضر حاضر حاضر
ثبت صنم يالي فاضل
اشتغلت وانا طالب
زي النحلة انا قارص
مخه تخين على مجانص
هلاويس عالأُمة
ثواني لا تخمك
و انت في كل ليلة ليك
خوازيق بالكُترة
كوابيس مش صدفة
أناسي في الظُلمة
من غير جيم في "جُملة"
مجتمعين للفُرجة
و كل دة انا بعمله
لوحدي في الاوضة
مشافوش مني الاذى
معرفوش قدراتي ايه
هعمل للعبيط حساب
و اخصم منه ضريبة البيع
شخصيتي مش للاستبيان
متمدش ايدك عالبيبان
ندمتوني على اللي بان
لزقتولي فرع جبان
انا بتساءل هل من ممكن اعيد حساباتي
و اعيش احلامي و اشقلب حالي و ابطل اجاري و اعيد من تاني و اصفر
انا بتساءل هل الصحة هتكفي ايامي؟ و هل الشكل هيرضي عيالي؟ و لو ملقتش هخبي زنادي و اخلص؟
انا بتساءل هل انت صاحبي ولا؟
ماشي على خطى اللي قبلك
اول ما شبع فلق
اول ما سِمع قَلق
فسر…
انا بتساءل هل لو، هل لو، هل لو……؟
دي كفوف مليانة ذنوب و عقول مسكنة تعابين
دي شباب عجباها السوق و يدوسوا في الطينة حافيين
ياما جربناها نفوس ملقتش نفسي وسط الجعانين
اكرملي اموت جنين، ولا عمري اعيش ذليل