كلمات غربان وبوم

غربان وبوم
ساعات بحس إني انتهيت
بغرق في بركة نار وزيت
حياتي ضاعت من أيديا
ومابقاش رابطني بيها خيط
يمكن نهاية للكتاب
يمكن بداية اكتئاب
الحزن سارح جوه روحي
غارز في قلبي ألف ناب
أنا انهزمت والا ممكن تاني أقوم
أنا انكسرت والا دي حبة غيوم
أنا كنت مين...أنا رحت فين
بتلاشى ليه في كل يوم..؟
أنا انهزمت والا ممكن تاني أقوم
أنا انكسرت والا دي حبة غيوم
شجرة وخلاص جالها الخريف
عشش عليها غربان وبوم
غربان وبوم..!
ساعات بحس إني بغيب
دخل التراب كوب الحليب
فوق صدري حمل من حديد
لون الحياة صعب وكئيب
محتاج لأيه علشان أفوق
علشان أشوف تاني الشروق
بكره راجعلي من جديد
والا خلاص مات في العروق..؟
أنا انهزمت والا ممكن تاني أقوم
أنا انكسرت والا دي حبة غيوم
أنا كنت مين...أنا رحت فين
بتلاشى ليه في كل يوم..؟
أنا انهزمت والا ممكن تاني أقوم
أنا انكسرت والا دي حبة غيوم
شجرة وخلاص جالها الخريف
عشش عليها غربان وبوم
غربان وبوم..!