كلمات ضحيّة

بين النّاس بضلّني ماشي
شارد بالأصوات والوجوه
وكلّن صاروا بيشبهوك
هيدا البصير لمّا بتروح
لمّا بتقول ما فينا نرجع
وبعد يومين بعد أسبوع
بشوفك واقف على بابي
على بابي
بدّك يانا نحكي بالموضوع

دايماً راسك بدّو يشطح
يصير في دراما و مسلسلات
بدّك زقفة عالأداء
أنت أكيد ولّا عم تمزح
خلّي إجريك عالأرض ساعتها أوضح
بتصير تشوفها للحياة
القصّة واقع منّها مسرح
ولا أدوار و شخصيّات

لو بسّ تقلّي شو بدّك
شو بدّك
بدّك روح أو بدّك إبقى حدّك
بدّك حبّك بدّك كون ضدّك
زقّفلك شو ما تقول
دور الضّحيّة لابقلك
لو ما بدّك حدا يبقى حدّك
وما رح يبقى بالدّني حولك
إلاّ جمهور إلّا جمهور

دور الضّحيّة لابقلك
لو ما بدّك حدا يبقى حدّك
وما رح يبقى بالدّني حولك
إلاّ جمهور إلّا جمهور