كلمات دايرة Daira

صاحي وعيوني مفتوحة للسما
بدور على معنى وسط كل الزحمة
قلبي بيدق بصوت عالي جوايا
والناس ماشية وأنا واقف مكاني
حاسس إن الوقت بيجري قدامي
وأنا لسه بحاول أفهم حكايتي
مش عارف أنام ومش عارف أصحى
كل يوم بيعدي وأنا في نفس المطرح

ونلف في دايرة
عقارب الساعة بتدور والأيام متغيرة
ناس بتقرب لما محتاجها وناس بتبعد
ناس بتكدب وناس بتوعد وما بتنفذ
خليك معايا أو روح، أنا مش هستنى
ونلف في دايرة، ونلف في دايرة

صوت في دماغي بيقولي اهدى
الدنيا مش هتقف لو سبتها تعدى
(افهم بقى)
مش كل حاجة لازم تبقى مظبوطة
وأنا روحي في مكان تاني
تعبت من التفكير، تعبت من السهر
الليل طويل وأنا لوحدي بسهر
ومن كتر ما بفكر بقيت مش فاهم
يا صاحبي فين الطريق
مش بزعل على حاجة
دماغي بتلف ومش شايف نهاية
كل واحد بياخد اللي عايزه ويمشي
وأنا قاعد لوحدي بستنى دوري
ويا ريت تفهمني، أنا تعبان من نفسي
لما بتكلم ببقى في عالم تاني
هو ده طبيعي ولا أنا غريب
وصلت في الميعاد وبرضه ضيعت فرصتي
آه

ونلف في دايرة
عقارب الساعة بتدور والأيام متغيرة
ناس بتقرب لما محتاجها وناس بتبعد
ناس بتكدب وناس بتوعد وما بتنفذ
خليك معايا أو روح، أنا مش هستنى
ونلف في دايرة، ونلف في دايرة