كلمات يا ساتر
أنا مش لاقيني في كل شئ بينك وبيني
بايع اللي بينا لو قصاد إني أشتريني
شيلتك من قلبي وباقي أشيلك بره عيني
ومش مستني منك تيجي تودعيني
خليني أحاول ويا غيرك ألقى نفسي
مش هفضل جنبك مستنيكي في يوم تحسي
لو عاللي بينا فالأيام لازم تنسي
حبك في قلبي مات وغيرك جاي يعزي
وأنا مش هلومك عاللي فيا ومن سكات
امشي وخلاص هيفيد بايه حتى العتاب
كل اللي كان في قلبي ليكي أصبح سراب
وأنا فوقت منك واعتبرتك حد غاب
ويا ساتر عملنا حاجات كتير
مع حد كان ناكر
وصحّى جراح كانت دبلت
ويا ساتر عملنا حاجات كتير
وفهمنا في الآخر
ده كان ذنب وخلاص خلصت
قدمت كتير ملقتش غير
عيون قادرين وناكره خير
ليه مش مكتوبلي أشوف نهار
مفيش غير ليل وبعده ليل
ولسه قلبي ليه مرهون على اللي كان
وعيوني مش بتلاقي غيرك في المكان
لو عالوجع ده مش قضيه
متعيشيش دور الضحيه
حبك ليا تمثيليه كان رهان
وابقي افتكريني لما تضيق الدنيا بيكي
لو تدمع يوم عينيكي قلِّبي في الذكريات
وابقي افتكريني لما تضيق الدنيا بيكي
كنت صفحه أنا في ماضيكي
وانسيتيها من سكات
وحتى مديتيش
لقلبي فرصه يحكي باللي فيه
مش متفقين مترجعيش
فبتلوميني بس ليه
ويا ساتر عملنا حاجات كتير
مع حد كان ناكر
وصحّى جراح كانت دبلت
ويا ساتر عملنا حاجات كتير
وفهمنا في الأخر
ده كان ذنب وخلاص خلصت