كلمات عشانك يا وطن

عشانك يا وطن كل حاجة تهون
وعشانك يا وطن ما بتغلا ليك عيون
فيك كل جميل  وفيك شعب حنون
انت لينا الدار  و انت لينا سكون

سودانا السواد ما يبقى ليك وشاح
حنعيدو ليك مجدك و نجددا الافراح
نفيدك بي دمانا ونفديك بالارواح
يا درة فوق التاج واجبنا ليك نصون

في غربك جبالا مافي ليها مثيل
وسطك فيهو سهول ساقياها موية النيل
في شرقك بحر روعة جبال توتيل
كل من شاف جمالك اضحى بيك مفتون

يا بلدي الشمال عندك نخيل و رمال
في أرض الجنوب ميري و اخوي ملوال
قريب سودانا يرجع تتوحد الآمال
مليون ميل مربع من غير عميل و بخون