كلمات مش كفايه سامبا

كل ما اقول كفايه اللاقي الشئ إلي يغنيلى
لما الماتش يقرب بتكون حاجه مش بايدي
تلقائي بتلاقيني بجري وتضيع معايا سنينى
علشان أعدى على زميلى نجيب تذاكر الاسماعيلى
....
كتفي يشيلك انا معاك هات شنطتك هستناك
شربيني ونادر نونو وباقي أخواتنا اكيد هناك
ايامنا معاه كانت مره لكن حبي لي من جوا
لو دخلنا وحبه منا لسه نقول جمهورنا برا
....
ودى الايام وانا مش هنسي الترحالات
وشعار الإسماعيلي الى حاطينوا فى كل الاستادات
وماتشات اسكندريه ف كل شتا ليها ذكريات
هلف لحد ما شعري راسي يشيب مش كفايه الى فات
....
اهلى مش عايزني أسافر ودوا بيحرق دمي
لو بتحبيني سيبني أروح يا امى
انا مش ههدي غير لو روحت ورا الكيان
وارجع بالمكسب بس صوتي رايح مني
....
ومهما تخسر هفضل جنبك كل مره
مش كفايه مره لا لا مش كفاية سامبا
مش كفايه سامبا مش كفايه سامبا
مهما تخسر كل مره زميلى مش كفايه سامبا
...
وكام مره قولت مش هشجع تانى وبستناه من تانى
هفضل جنبك حتى لو هعانى راضي ب انى اعانى
ربك بس يدى العمر ليا وانا أكتبلك اغانى
لو مش هفرح مع الاسماعيلى الفرحه مش لزمانى
..
ولما تلعب هتلاقيني معاك بصوتي
‌مش هسيبك ك لو حتى على موتي
...
فاكر كام مره سيبت شغلي بسببك ومش فارق
فاكر لما شيلت فلوس الاكل علشان أجيب تذاكر
فاكر أول ماتش ليا وانا على كتف جدي
قالى جبنا ف الانجلبير 3 وهما جابو 1
...
ودى كانت اول بطوله افريقيا لنادى عربي
كلمنى على التاريخ علشان ابقي احكي لابنى
واديني بقيت بحكي لابني وابني يحكي ل ابنه
مسيرنا نموت ونسيب الاسماعيلى الى عمره ما سابني
...
لو غايب طول العمر هستناك
ولو قولت انى شغف ضاع ابقي كداب
شوف الماتش الجاى امتى وانا معاك
الاسماعيلى دا مش نادى دا الحياة
.....