كلمات مستقوى نفسى
مستغربين ليه عشان مستقوي نفسي
مستقوي بشمس نهار تطلع تاخد بحسي
احلامي تصحى تعيش تتنفس من نفسي
ومادام عايش في الدنيا لازم تسمع حسي
مستقوي نفسك مستعجبين ثباتك
مع ان اللي حصلك حزنه يكفي حياتك
ازاي متحمل ومكمل بابتساماتك
حتى في عز الصمت مش سامعين اهاتك
كان عندي ام هي الحياة والحب
راحت مني خدت حتة من القلب
بعدها حبيت عيشت قصة طلعت كدب
وحلمت الف حلم دبتني الدنيا دب
عايزني اشكي وأقول كلام يقطع قلب
طب اسمع وانسى تاني علشان الحمل صعب
الدنيا يوم سعادة ويوم هموم وكرب
بس انا علطول بقول امل جديد يارب
مستقوي نفسي فرح كرب
عندي امل بقول يارب
لو شافو اني اسيت والدنيا جات عليا
انا مؤمن بالنصيب يوم ليا ويوم عليا
ساعة الاحزان ضياع بتوقف نبضي فيا
والعمر مش مستني الأيام ماشيه ماشيه
هافضل اجرب واحاول كل يوم
مايهزنيش وقوع كل ما اقع بَقوم
بتمنى افضل عنيد ثابت وسط الهموم
سيبكوا من حزني ده ليا مش عايز منكوا لوم
سمعت كلامهم وسكت وكنت ماشي
فضلت أقول لنفسي ازاي شايفِنّي اسي
رجلي الثابتة خانتني ولفت بيا راسي
و عشان ايماني بيشككوا في احساسي
اقولك ايه تاني كدة كفاية عليك
انا بشكي للي خالقني مش ليهم او ليك
هو قادر وعالم باللي فيا و فيك
هو الرحيم خليه قدام عنيك
مستقوي نفسي فرح كرب
عندي امل بقول يارب