كلمات مشغول

عايزني اتفاءل
مع نفسي بتساءل
ليه مبقاش مجنون هيبقي احسن من العاقل
المشكلة اني عارف ان انا اصلا جاهل
واعلم أهل الأرض من قال أنا جاهل
انت فاهم
عايز اكمل اسبوعين و انا نايم
و أصحا علي ليل وقت نهار أصحا الاقينا بنتحاسب
حتي لو هروح جهنم اشطا انا قابل
علي الاقل مش هبقا غصب عني انا ساكت
متكتف مخنوق مربوط و بتخنق
بمخدة اسمها الضغوط طبيعي اني اكتئب
مبسوط اه مبسوط
اصلا صاحبي كلنا  مبسوطين
الغني  بيدي فلوسه للفقير
الشباب بتروح الجامع مع التكبير
الشباب ميعرفوش يعني ايه تخدير
ترنداتنا كلها عاقلة احنا مش تافهين
اتيتي اتمونتو اتشنطر  يا مستمعين
متكلمنيش مشغول مشغول
عايز ايه ما تقول علي طول
كفاية همي مسحول مقتول
جوا دماغي بلف بقول
مشغول مشغول مشغول مشغول
×2
كله بيحاسبني علي اللي عدي و عاللي فات
كله بينافقني و الحقيقة العشم مات
هات اثبات لجلد الذات و حرب الملذات
الكاش حرية طبيعي ادور علي جناحات
ما هو ازاي اخطب او ازاي هتجوز
مش هيدوني فلوس علي قد ما انا شخص كويس
مش هيكافئوني علي مجهودي بلاش يا صديق تهيس
دور علي وسطة او حلم فيه تكمل غير كده اتنيل
طب فووق
طب رووق
طب اتعلم فن تتوه
طب فوت
طب قول
هي دي حياتك اتعلم ازاي تسوق
و اهي ماشية
بنزوق فيها بأيد و رجل
بنوتة تايها
مش عارف طريق ليها ادل
بس جاية
الراحة و الحرية لأي ابن
و لو مش جاية
انا شايل ليها استبن
طالع التاسع في اسانسير
مقولتش واسع بنصحك بجود كير
سالز فبايع تشتري مو هير
عاجبك سامع قول ميرسي سير
يعني مش بركز مع اللي بعني
مش برجع في يوم ل اي حد سابني
قلت ارد طبعي قال لا منعني
فنظري دلوقتي انا اجمد مغني

متكلمنيش مشغول مشغول
عايز ايه ما تقول علي طول
كفاية همي مسحول مقتول
جوا دماغي بلف بقول
مشغول مشغول مشغول مشغول
×2