كلمات نَفسي

صحبي انا حياتي كلها فالشارع
مش انا اللي يتقالي مش نافع
بتحط فالشده وبرضو بكافح
اتعلمت فاي موقف اني اتعامل

تيجي فقله تتقطع وسطينا
الخسيس بينكو الخسيس مش فينا
تمثل علينا نمثل بجستك
نيتك مش خالصه فهرفدك

عماير عاليه هنوصل فوق زيها
الشيله تقيله واحنا دايما قدها
سكك كتير مخك هيخيرك
الشيطان وحش ودايما هيغيرك

متسمعش كلامو متروحش لغلط
كلامهم مش gps متمشيش وراه
الدنيا صعبه  دايما هتحس بتوهان
الدنيا صعبه مش هتحس بامان

نفسي ارجع زي مكنت زمان
بقيت شخص تاني شخص جديد
مش ايرون مان بس قلبي حديد
كنت فاكر حياتي هتبقا احسن اكيد

الدنيا اصعب مما تخيلت بكتير
افعالكو معايا مش لاقيلها تفسير
ماذتش حد طب ليه اتاذيت كتير
الزمن غير فيا حاجات كتير

غير فيا حاجات مكنتش اتمني اشوفها فنفسي
بقيت حد تاني عكس اللي انا اتمنيته لنفسي
والنتيجه بقيت فمكان مكنتش راسمه لنفسي
بس انا عارف وهرجع واقول كل ده غلطك يا نفسي

ناس محبطه صعب انك لوحدك
محدش فهمك بس ده مش زنبك
بدور كتير علي نصي التاني
بدور كتير عاللي يحسنلي حياتي

صداع طول الوقت فدماغي
معاكم فالقعده دماغي مسافره
فحاجات نفسي تحصل محصلتش
كلمات كتير عايز اقولها  متقالتش

اوقات الوحده بتعذب
الناس مبسوطه انت حزين
بحر بس هموم هتشكي لمين
لو حد سال بقول لا مفيش

محدش مهتم محدش يفرقلو
تحس انك فمكانك والناس بيعلو
مفيش حد يساندني فهمي
ربي وحده بس اللي جمبي