كلمات يا جمال العدرا
انا عندي حبيبه وصاحبه وأم
اول ما اتعب حضنها بيضم
بتشيل عني الأوجاع والهم
وف وقت الحزن تفرحني
انا عندي شفيعه ف وقت الجد
مبتتأخرش ف يوم عن حد
ايديها بخير ليا بتتمد
وصورتها يادوب تريحني
يا جمال العدرا يا حلاوتها
دي اللي مفيش حد ف غلاوتها
مريم ام النور الطاهره
انا قلبي مجرب شفاعتها
دي اعظم ام واطيب قلب
مفيش عندها شئ ابدآ صعب
ولما بتدي بتدي بحب
وجودها لوحده مطمني
مجرد ما بكلمها بحس
ب إني ارتحت وراح اليأس
وبفرح من قلبي عشان بس
بتبقي قريبه اوي مني
دي ياما داوتني ف عز الجرح
وياما اديتني سعاده وفرح
ف وصفها بس يطول الشرح
مفيش ولا كلمه بتوصفها
بتول واصيله ووش السعد
بتوعد وكمان توفي الوعد
وليها جمايل مالهاش حد
يا بخت القلب اللي عرفها