انا بعدني عالشّطّ و البحر مش ناوي يروق بغنّيلو تيهدى شوي و كلّ مالها حالتو بِتسوق بيقوى بحر و بيهدى بحر و أنا بعدني عالشّطّ و الموجة بتإدف عالشّطّ همومي الّي نسيتها من دهر بقايا ماضي عتيق فكّرتو غرق بالبحر بتروح موجة بتِجي موجة و انا بعدني عالشّطّ و كلّ ما جرّب فلّ من الشّطّ بيسوَدّ و بيعصف طقسي بجرّب إسبح لقدّام و الهوى بِشدّ بعَكسي بتهبّ عاصفة بتروق عاصفة و انا بعدني عالشّطّ