كلمات الناس تراب

أصحاب زمان
فيها حقد بان
لما الفلوس ويايا كترت
مش مضمونين
متلونين
ليه الرجوله فيكو اتقتلت
ليه كل ده
لا مش كده
حتي العيال شبت كبرت
يبني انتو مين
ده انا من سنين
كاسر عينيكو عليكو بكرت
الدنيا حلوه لو بس نسلك
مش شرط تمشي ف جيبك الكذلك
خليك رجوله واعمل باصلك
لو حتي غالي تلقاه رخصلك
مش اي حد تديلو سرك
عيش الحياه مظبوط من صغرك
لا تخلي حد بكلامو كاسرك
ولا حد فيها بيعرف اخرك
ده احنا ف زمن
كله بتمن
والدنيا عملت مش شايفه
والناس تراب
وضميرها غاب
مبقتش من ربنا خايفه
عندي اندهاش
خلق ببلاش
بتبيع عشان حاجات هايفه
حتي ال كان
شبشب زمان
بيجيب سيرتنا ابن الزايفه
من جدعنتنا الناس حبتنا
و ف كل جيها ولينا هيبتنا
كل ال يجي معانا سكتنا
خسران كتير لو خان عشرتنا
مش بالفلوس تكسبنا ياحيله
سمعتنا سابقه هيبتنا تقيله
صعب تنافسنا سككنا طويله
بنرد وش ومش تغفيله
شوفت الجدع
لما اتخدع
مبقاش يأمن من تاني
نفسه اتقطع
اصله اتلدع
من ناس ضميرهم تايواني
نخلص لمين
والغدارين
خلوني شاكك ف زماني
اقرب ماليك
يقلب عليك
ممكن يبيعك ف ثواني
مكتوب علينا نشوف القله
والاخ عادي باخوه يتسلا
حب الحرام وحياته ممله
اصل الشيطان ولا ساب ولا خلا
اصحابه كانو سبب ادمانه
شرب السيجاره وطار دخانه
وف مره شد وقع ف مكانه
ولا حد فيهم جه علشانه
ابكي ياعين
ع الطيبين
مبقوش يبانو من الزحمه
غدر انتشر
وسط البشر
نسيو خلاص كلمه رحمه
مش لاقي خير
ومفيش ضمير
حتي القلوب لون الفحمه
زمن خبيث
حتي ابليس
واقف وبيفرق لحمه
سندل ياخويا مش عايزك خايب
وبلاش تعيشها سايب ف السايب
من الرجوله يكونلك نايب
احسن ماتبقي ف حكم االغايب
امشي برجوله وخش بقلبك
هتلاقي ربك واقف جمبك
ولا حد ابدا هيكون غالبك
لو حتي كل الناس هتحاربك