كلمات بيع بالغالي
فين الوعود !
فين الأفعال !
شايف جحود
كله كان كلام
شايل هموم غارق في الآلام !
هلاقيها م الدنيا ، ولا من الناس
كله وهم ، كله غش!
حتي اللي قال حبك ، كان كدب !
وجودك مش فارق يازميلي ! حاضر غايب ، غايب لو غيبت !
سايبين ايديك مهما تتبت!
ابكي اتنهد ع العشره الزفت !
شايفينك غلااااط ، شايفين شيطان ، مهما اتأسفت ! شت
وانا مش فارقلي اي حد ! وانا مش فارقلي اي سبت
وانا مش محتاج اكتر من عشه تكون ليها يازميل سقف
منا سالك ومليش ف الغدر ! بس حابب اكون بطل الكدر
كلها بالمثل وع الجد , خد هات ، هات خد مد وجزر !
راضي بقليلي ، حامد ربي ع اللي فيه
عمري مابص لغيري ! بس الي فايدي عينهم فيه !
يوم وصولي بكره يجي ، ماشي بالفعل فالطريق
بس اي حد موقفش ف ضهري ، لما اوصل هكون ناسيه !
----
عاشرت كتير ومفيش سلكان
كلها زنانين ، كلها دبان !
بتحط تشيل ، ثابتين ك جبال
حيطان بتهيل ، اخوك شيال !
----
اشكال ضاله و مؤنثين
ابعد عني منتش زميل !
انت متسواش فرده فرجلي !
ملوش عازة يا مهمشين
كلها تسمعني أما اغني !
ببلاش ببيع اللي باعني !
مهما تعيش ، مش هتشوف زيي
لا مجاش قبلي ، ومش جاي بعدي !
انا الي فيها !
ومفيش غيري
بشتري فيها
بس ناكره بخيري
احنا نمشيها
بالحب ازميلي
مش جايه بحب ، اطلع سيفي !
الا لو هتبيع بيع بالغالي
الا لو هتبيع بيع وإنساني
الا لو هتبيع انت الخسران ! هتلف تتوه ترجع تاني !
مبدئي ثابت ، ومليش تاني !
آكل الخصم ازميل بلساني
من قبل احبابي ، ضيف اخصامي !
كلها عارفاني عارفه مقامي !
زميلي مش بنهاب ! لا لا
زميلي مش بنخاف ! لا لا
مش فارقه رياح ! لا لا
قافلين الباب ! لا لا
هنا صف أعداء ! يا يا
هنا صف احباب ! يا يا
في الواقع جامد ! يا يا
وكمان في الراب ! ..