كلمات ليالي

لدنيا حزنتني وفرحتها ، حبيتها وحبكيتها
انفار عوازل شمتتها بطلت امشي تحت بيتها
كنت اريدها .. يوميا في رسايل مني ل باريدها
عايش روح مفيش احساس ومشاعري خلاص بقيت فاقدها
--
احلامي مطولتهاش حزنت صدرو الطناش
بقول مفيش عشان بلاش الاقي شفقه من اوباش
انا مش بكتب عشم في طله دوشه عقلي عايزه طلقه
مبقتش بفرح ولا بلاقي الضحكه سرقه
--
غلطان عشان عديتلك .. عبيط عشان صدقتك
زمان قالت بحبك ايه غير الحروف لكرهتك
مفيش ايد تاخدني لبر اهرب لفين مفيش مفر
انا صامد مش قوه مني انا صامد عشان مضطر

مش غرضي التسقيف كل اللي قولته مش تأليف انا مفرحتش غير تخاطيف . سودتوا النضيف
قولت عايز عيشه هاديه مشيوا وخلو حياتي فاضيه
انا مش راضي بالفراق اهم حاجه ان انتي راضيه
---
ليالي عيني مبتغفلش ليه مبدوقش النوم
ليالي انا محبوس في اوضتي زهقت في نفسي لوم
ليالي صاحبت الوحده عشان مفيش بشر بتدوم
ليالي بسأل نفسي ليه معاند معايه الكون
--
خدت الضربه ومموتش انا سهرت اتلوي في اوضتي
خلاص خسرت وانتي فوزتي
ملقتش الحب في بيتنا ف روحت ل شخص غلط دمرني
مليت من حكي حكايتنا الحزن كتمته لاكن سهرني
-------
نفس السناريو ده بيتكرر بتمرر
بتقرر تخلي واتعلق واتساب
مكنش فيه الحساب , انك تقفلي الباب
فيه سواد , كان جوا مني حلو داب
--
توهت كنت بدور ع اللي يهون الناس دي بتتلون الزعل بيزوم القلق بيموت ,
الاحلام تتعوم
مركبنا مش هترسي انت احسنلك تنسي , او تقسي
كلامها كان رصاص مش بلسم
--
انا اتبهدلت وشفت اللي محدش في سني شافه
مهما تكبرو وتجمدوا الدنيا هتعلمكوا تخافو
وانا عايش بلا قلب بلا مشاعر اديني بقضي واجب
انا جربت اكون مبسوط من غيرك بس مكنتش حابب