كلمات لا أحد
أنا عازمك شاي في حتة
نتبادل النكد
أحكي ليكي كيف قدمت
الجمعة والسبت هدية
وإنخرطتا في نظام
الرأسمالية الأحد
من الأحد
لا أحد مزاجو رايق
أشباح في وردية
سارحة تبني في الخيال
بيوت بي بوهية وردية
لو قتلت واحد منهم
ما بصنع فرق
ولو قتلوني ما أنا
الحأستلم قروش الدية
دبلوماسي
دبلوماسي بالغصب
ببني في علاقة ودية
أحكي والبيرد صدى
إنت ما براك
في الصبح ببقى شراك
وفي الليالي حاحاي
الدنيا تنفخ السموم فيني
فببقى كالناي
مجهول الدواخل
يرمز ليها بي هناي
إذا إتوجعت بحت
قالو عندي غناي
الناس دي قايلا
القمة رحلة فيها
شية ضان وشاي
والملك زي القصص
زول قعاد في العرش ساي
الخيال ده فخ لعين
بيمنح الواقع قفاي
الفرحة والرقيص للكل
والحارة لي براي